海膽仔

Open Now

Now Closed

今日去咗呢間小店一心想食吓佢啲海膽飯，點知經過門口入去嘅時候發現佢一個生蠔凍櫃。入面有四五款生蠔可供選擇，以一間日式小店來說選擇都算很多。坐低之後揀咗海膽飯同埋一個鰻魚便當定食，就出去揀生蠔。兩款日本蠔都身形巨型，好飽滿。令和怪物比較creamy。日本厚岸最好食，Creamy得來亦都有海水味。法國Gillardeau 就爽身，海水味最重。餐廳對於生蠔擺盤都好貼心，每一隻都有名，亦都會建議進食的次序。日本令和怪物＄68/隻日本厚岸$68/隻法國 Gillardeau $48/隻另外佢嘅海膽飯雖然細細碗，但係海膽都好多，而且很鮮甜。鰻魚便當定食就大堆頭，性價比高，樣樣都有啲。啱晒花心嘅人。總括來說，食物水準都幾好，生蠔，刺身，海膽都好新鮮，招呼亦都唔錯。