Video
Read full review
2023-11-19
41 views
牛繁一人燒肉 Gyushige📍屯門屯順街1號屯門市廣場1期UG樓AEON內老爸放假，我同佢去咗屯門行下，指定會去嘅donki同AEON supermarket都去完，打算去返v city嗰邊搵食時，見到有一間應該係新開嘅日本過江龍一人燒肉店。睇過價錢幾抵，唔會好大油煙，環境睇落幾舒適，所以決定喺度食個quick dinner！ 💰$78豚肉套餐 🐖我胃口無咁大，所以只係叫咗100g肉量嘅豚肉套餐，包含豬頸肉同豬五花。醬汁方面我選擇咗柚子胡椒醬，因為感覺會清新啲同無咁鹹，果然不出我所料。豬頸肉有大有細，但每片都有一定厚度，食落爽口彈牙，豬肉味香濃，再點少少味噌醬食味道更佳。豬五花脂肪偏多，所以揀柚子胡椒醬就無錯啦，因為佢可以中和油膩感！ 💰$16 (套餐加配價)牛繁蛋拌飯 🍳胃食嘅我見到有得加錢轉蛋拌飯，二話不說就加配咗。佢可以選擇溫泉蛋或生蛋，我咁好嘅腸胃就緊係叫溫泉蛋比較穩陣啦，配以紫菜絲同大量飯素，撈起上嚟真係幾好食啵，呢$16值得加！ 💰$122四重奏 🐖🐄🐓老爸食得比我豐富，叫咗份肉量有250g嘅四重奏燒肉餐，有齊蔥燒牛胸花、汁燒肩胛片、味噌豬五花、柚子胡椒雞腿肉，仲有得揀大
📍屯門屯順街1號屯門市廣場1期UG樓AEON內
老爸放假，我同佢去咗屯門行下，指定會去嘅donki同AEON supermarket都去完，打算去返v city嗰邊搵食時，見到有一間應該係新開嘅日本過江龍一人燒肉店。睇過價錢幾抵，唔會好大油煙，環境睇落幾舒適，所以決定喺度食個quick dinner！
[價錢 Price]
💰$78
豚肉套餐 🐖
我胃口無咁大，所以只係叫咗100g肉量嘅豚肉套餐，包含豬頸肉同豬五花。醬汁方面我選擇咗柚子胡椒醬，因為感覺會清新啲同無咁鹹，果然不出我所料。豬頸肉有大有細，但每片都有一定厚度，食落爽口彈牙，豬肉味香濃，再點少少味噌醬食味道更佳。豬五花脂肪偏多，所以揀柚子胡椒醬就無錯啦，因為佢可以中和油膩感！
[價錢 Price]
💰$16 (套餐加配價)
牛繁蛋拌飯 🍳
胃食嘅我見到有得加錢轉蛋拌飯，二話不說就加配咗。佢可以選擇溫泉蛋或生蛋，我咁好嘅腸胃就緊係叫溫泉蛋比較穩陣啦，配以紫菜絲同大量飯素，撈起上嚟真係幾好食啵，呢$16值得加！
[價錢 Price]
💰$122
四重奏 🐖🐄🐓
老爸食得比我豐富，叫咗份肉量有250g嘅四重奏燒肉餐，有齊蔥燒牛胸花、汁燒肩胛片、味噌豬五花、柚子胡椒雞腿肉，仲有得揀大中小飯量，啱晒佢呢啲胃口偏大嘅人。老爸話牛胸花好淋身，無筋無肥，日本長蔥燒過之後香味四溢，同清夾啲嘅牛胸花一齊食好夾。相比之下肩胛片因為已事先以醬汁醃過，所以味道偏濃，燒香後油脂變得更香，推介各位牛魔王！
我個人非常喜歡佢呢個餐嘅豬肉同雞肉，前者味道甜香，後者雞肉滑溜，唔食牛嘅我表示好滿足！先講味噌豬五花，肉片脂肪比例較多，建議大家燒耐一啲，除咗可以逼多啲油出嚟，仲可以將豬皮燒得香脆！肉質好不在話下，佢哋由東京總店直送嘅味噌醬真係好好味，唔過鹹之餘，仲可以提鮮，更能帶出肉類嘅鮮味。連皮嘅雞腿肉以柚子胡椒醬醃製，雞肉肉質嫩滑多汁，配以清新微辛嘅柚子胡椒醬燒，鎖住肉汁，味道真係不得了！
[價錢 Price]
💰$52/2隻
超大黑虎蝦 🦐
名副其實超大嘅黑虎蝦，蝦肉結實彈牙，蝦頭膏多汁鮮甜，本身已有調味，燒起即食超滋味。
Post
