博多拉麵別天神 (Closed)

呢間舖頭仔唔係好起眼，但其實好值得一試。今日就搵埋友人各自叫一個套餐，咁就可以試哂兩款拉麵加兩款小食。*小龍蝦蟹料沙律好有口感，啖啖小龍蝦，加埋紫菜食就冇咁膩。*餃子煎得啱啱好，唔會食到成咀油，又唔會個皮好厚，而且仲有少少香脆㖭。*蝦味噌豚骨湯麵我自己就揀咗有蝦嘅，但其實個湯啲蝦味唔算濃，食之前都飲咗幾啖湯。佢麵質啱我口味，因為唔鍾意食太軟身嘅，好怕似係浸咗好耐咁。佢呢間雖然冇得俾你揀麵質但都煮得好適中。叉燒唔韌，又唔怕太薄。個半熟蛋都好好味，其實我唔係好鍾意‘流心’嘅，所以呢個啱啱好。