醉忘魚屋 (Closed)

同事之講食醉忘魚屋的刺身不錯，知我喜歡食就介紹我來食午餐，刺身睇落都幾好，最後就叫同事推介廚師發辦五點刺身盛，入面仲包5樣刺身，價錢都合理。沙律有菜同蕃茄幾清新來開喉嚨，蒸蛋幾滑而且溫度剛好不太熱。先付3品有我最喜歡芥未魷魚和厚身刺身，幾新鮮。味噌湯，入面材料不少，味噌味都可以。刺身，梭子魚和珍鯛口感和味道會比較清新爽口，油甘魚和三文魚油脂脂剛好又厚肉啖啖肉，深海池魚味道感覺會濃濃魚味，都好新鮮而且仲有海帶作配菜食。御飯珍珠米配刺身最正。整體價錢$248有不少食物而且質素都同心目中差不多新鮮，坐得都不錯，下次可以再食其他午餐。