RuRu Tapas Restaurant (Closed)

喺公司附近要搵個地方同朋友慶生都唔容易，食連鎖店勁無誠意，食平日lunch 食開嘅小店我又唔太想。記得曾經喺 OP 都見過下一間評語唔錯嘅西班牙餐廳，一於決定試下。點知呢個決定太對了，餐廳氣氛幾好，坐都舒服，背景音樂仲要係 90 年代歐美歌曲而且唔大聲。當然最緊要就係野食。揀左西班牙蛋餅、北海道帶子芒果牛油果他他同西班牙海鮮炒飯（本來想叫乳豬但賣晒）。三樣賣相同味道都很好，尤其係個他他，黎到見到有金薄真係好驚喜。我地仲叫左 Borgo Imperiale Prosecco。兩個正常食量女人食啱啱好可惜是日無甜品，我地最尾仲叫埋單骨雞翼（傾多陣謁），少辣，都幾好食。可能因為係平日嘅夜晚，客唔多，但就啱晒舒舒服服食野傾謁了。咁啱 OP 有訂座折扣，令到今餐飯更加完美。