金山海鮮酒家

Open Now

Now Closed

好久沒有見舊同事，限敘令放寬，便相約在老地方“金山”食海鮮晚餐。早個幾星期前book，因為好爆。果然係好爆🥳，我們柯打了海鮮。白灼中蝦好大隻爽口，唔係蝦仔，原來有一隻手指咁長又粗大，還好肥美，唔怪得個侍應建議我們食豉油王蝦碌。龍蝦：大隻、好多肉、爽口又彈牙。鮮鮑魚刷得好乾淨，果皮蒸味道超級。中形椒鹽瀨尿蝦好味唔口渴。豉椒炒蟶子大大碟好鮮味、粉絲蒜蓉扇貝味道恰到好處。砵酒蠔大隻，調味適中，炒麵和通菜又大碟，總之樣樣都好好味、一句講曬好新鮮食材，冇味精。總括嚟講食材新鮮、調味適中、唔口渴。服務態度誠懇和貼心。每碟餸都慢慢送上，唔係出面啲酒樓一窩蜂上出曬所有菜，剛巧我們七人坐在一間房。可以，慢慢品嚐美味食材、飲下啤酒吹水，係一個食海鮮唔錯的地方。