英記麵家

Open Now

Now Closed

舊式既裝修，光線充足，感覺還可以，唔會太污糟。星期日下午三4點左右，只有一兩台客，完全唔逼夾。一碗牛雜麵$47一碗牛肚河粉$47價錢比起普通粉面舖頭係貴，但係對比番西營盤地區都係屬於正常價錢。湯底真係好夠味，有滷水加藥材味道，就算飲晒都無口乾。一碗有7,8件牛肚，大大件厚切，牛肚真係好入味，雖然爽口但唔係好淋，係可以接受既口感。牛什好多，牛腸洗得乾淨唔會有怪味。河粉入面有粗有幼，覺得好奇怪，後咪聽到職員訂貨要粗同幼既河粉，應該係兩溝。