蓮香樓 (Changed Hand) New Restaurant

爸爸生日去飲茶。我知爸爸一直好鐘意去蓮香飲茶。對上一次去蓮香 , 應該係10年前仲讀緊書，都係爸爸帶我去。其實蓮香好多人，好多遊客，好難搵位又要搭檯，真係好麻煩。野食我唔覺得特別好味架，普通質素，仲要每次有阿姐車仔出，大家都要去搶野食。有好多遊客慕名而黎，唔知佢地享唔享受呢種舊式茶樓既格局呢。不過我知好多有回憶既食客，就應該好享受既。同檯搭檯一家大細，媽媽同阿囡講"爺爺以前都帶爸爸黎呢到飲茶架"然後後一檯食客又講，不停係到講四哥既情史，究竟佢係唔係講廿年架呢。我諗，鐘意去一間餐廳，有時都係一種習慣。