Video
Read full review
2018-12-04
198 views
香港老飯店呢個名細個都聽過下，雖然未到耳熟能詳。加上佢個廣告結尾會用一句上海話講出香港老飯店個名，但係總有少少印象。難得係中環附近收工，拉埋朋友去一試呢間開業有廿五年既飯店。地點位於永安對面，岩哂行完永安既朋友～加上中環一入夜真係冇啖好食，所以呢間算係夜深人靜既地方一個比較好選擇～去到後見到環境相當清雅，傳統中式酒家裝潢。加上人數唔太多，侍應姐姐已安排我同我朋友去一個四人檯，好細心！同朋友商量左一陣，好快就決定醫肚方案。核桃燻蛋 平凡既雞蛋經過廚師巧妙手藝轉身一變成糖心蛋，再加以燻木燻過既蛋白，味道蛋味十足，聞上去有淡淡煙燻木味；核桃乾身脆口，帶有少甜，看似平凡，實不平凡小食。無錫脆鱔 又名梁溪脆鱔，錫傳統名菜；鱔本身都幾麻煩既食材，先去皮，再去骨，再切條，走油，可見相當費工。上菜後眼見脆鱔以寶塔形，證明舊菜承傳絕對成功。鱔肉味道鹹帶甜，脆口，薑絲舖面混合食到更有多重味道感受。小籠包 經典之作；皮薄，肉嫩，多汁，不足以形容如此美味；摺數係傳統十八摺黃金摺數，師傅手勢老練，粒粒小籠包大小如一。夾起時唔會穿底，更見到湯汁在皮底下味道肉湯味足夠，鮮鹹味，大家一定要一試！炸臭豆腐粒 湖南有名的
難得係中環附近收工，拉埋朋友去一試呢間開業有廿五年既飯店。
地點位於永安對面，岩哂行完永安既朋友～加上中環一入夜真係冇啖好食，所以呢間算係夜深人靜既地方一個比較好選擇～去到後見到環境相當清雅，傳統中式酒家裝潢。加上人數唔太多，侍應姐姐已安排我同我朋友去一個四人檯，好細心！同朋友商量左一陣，好快就決定醫肚方案。
核桃燻蛋
平凡既雞蛋經過廚師巧妙手藝轉身一變成糖心蛋，再加以燻木燻過既蛋白，味道蛋味十足，聞上去有淡淡煙燻木味；核桃乾身脆口，帶有少甜，看似平凡，實不平凡小食。
無錫脆鱔
又名梁溪脆鱔，錫傳統名菜；鱔本身都幾麻煩既食材，先去皮，再去骨，再切條，走油，可見相當費工。上菜後眼見脆鱔以寶塔形，證明舊菜承傳絕對成功。鱔肉味道鹹帶甜，脆口，薑絲舖面混合食到更有多重味道感受。
小籠包
經典之作；皮薄，肉嫩，多汁，不足以形容如此美味；摺數係傳統十八摺黃金摺數，師傅手勢老練，粒粒小籠包大小如一。夾起時唔會穿底，更見到湯汁在皮底下味道肉湯味足夠，鮮鹹味，大家一定要一試！
炸臭豆腐粒
湖南有名的特色小食，其實我個人本身都幾抗拒，但係今次比朋友誠意打動！就決定一試，果然沒有失望。更加改觀！上菜後會見到一粒粒大小分明既小豆腐粒。會跟甜醬同青條瓜，豆腐聞起黎有一種遠臭近香既感覺！我試一粒無點甜醬既～味道就皮脆內嫩，點左甜醬味道更加出，平凡既豆腐都有如此多食法，將一個街邊傳統小食變成菜式，價錢相宜，大家不妨一試！
炸銀絲捲
京滬菜館我必點菜式；好多人以為係炸饅頭，做法比饅頭複雜～跟做拉麵一樣做法，加砂糖混合。要拉到好似面絲一樣，咁樣先叫銀絲效果，再蒸後炸，咁先叫炸銀絲捲。到驗證時間啦！果然一如期望～打開一半後見到絲絲相既麵絲，入口柔和香甜，軟熟～唔洗點煉奶已經夠甜味！
火腿津白
名貴金華火腿配以平實既紹菜，一爽一稔，高反差傳統配搭；薄薄既火腿已經鹹味十足，香味四溢，紹菜爽甜，唔會死鹹味，食完都唔會口乾！
酒釀丸子 又名醪糟。傳統小食，菜式以盅上菜，打開已經聞到桂花清香，丸子軟糯，酒麴唔太酸，唔會有喧賓奪主感覺，份量好足料，足夠二人食用～
整體而言，由入飯店門口已經感受到知客既熱情，到入內既內場服態度十分好客，三不五時都會行埋黎睇下我地有咩野想落單～十分細心，菜式味道，份量都好切合我地口味，絕對做到舊派菜色既承傳上菜速度快速。唔太快，岩岩好。期待下一次再食！
Post
