唐記包點 (綠楊坊)

Open Now

Now Closed

老細派我昨晚上去大陸廠做代表出席送歲晚宴，今朝一大清早趕返落嚟。大巴剛到荃灣大站，老細追魂call就到，仲以為又有咩鑊嘢，原來係叫我買埋早餐返公司。反正我都要食，無所謂啦! 上到綠楊坊的點心專門店，返工返學嘅peak hour 緊係人多啦，不過，職員效率高，配合她們的摩打手和默契，一兩分鐘就可以完成整個買賣過程，速度快過老麥嗰啲。買咗好多嘢食:雞扎，燒賣，鮮竹卷，叉燒包，饅頭，菜肉包，章魚肉餅飯。樣樣都熱辣辣，香噴噴。拎到返公司都仲熱。味道絕對唔差過酒樓嗰啲，仲無咁油膩添。同老細邊食邊傾，其實就係一個早餐會議。不過，會議過程輕鬆，都enjoy 嘅。