大快活 (Closed)

今日臨返工之前，提早啲去咗屯門建生嗰邊嘅大快活買早餐食，我叫咗雞扒早餐外賣，加多個細火腿通粉，集團式嘅餐廳出餐速度快就基本，唔使5分鐘就攞得，當然可能嗰陣時太早仲未有太多人。返到公司打開個外賣盒諗住食個靚早餐，點知佢個脆炸薯餅竟然轉咗三粒燒賣畀我，而佢竟然冇通知我，當然攞嘅時候冇睇清楚都有唔啱嘅，但係全個餐最好食嘅薯餅咁就冇咗真係有啲唔抵。個餐嘅味道冇咩問題，雞扒皮煎得香脆，燒賣正常味道，火腿通啲通粉冇話煮得太淋，正常早餐一個。