Video
Read full review
2019-02-18
99 views
呢間餐廳，對我o黎講又算係新又算唔係好新，因為好似無耐前先食過佢o既前身，原來已經易o左手了。但內裡o既裝潢同一d 細節o野感覺上又好同出一脈，所以可能只係改o左名唔出奇。anyway，最緊要係d o野好唔好食o架o者~ 今日o黎，食個late breakfast。早餐時段只有港式早餐，車仔麵o個類要11 點後先有得食，不過早餐o既粉麵都可以叫到部份車仔麵特有o既餸，好似豬潤呢d。我點o左個B2 早餐($38)，麵包menu 上寫住「全件」，實物有兩塊咁多，而且係厚麵包o黎，感覺大件夾盛惠。試過o係其他地方食d 厚麵包唔太新鮮，好硬仲要食夠兩大塊真係死得，不過呢度o既麵包就夠晒軟熟。三選一o既扒類我揀o左香脆雞扒，唔算話極之脆，但都ok o既，肉質唔會實ding ding 咁，有時都驚d 餐廳煎得耐得滯。火腿腸無乜特別唔講喇，但呢個餐有一樣好特別o既o野，就係跟餐會連埋一舊吉列紫薯餅。裡面軟滑而鮮甜o既薯蓉，蘸上麵包糠再炸得甘香，食多件都仲得呀！至於友人就叫o左個B1 餐($34)，佢配多士，唔使加錢o既，又係有兩塊……佢個餐有粉麵，就係試o左那個豬潤——薑絲豬潤。好多人叫，點解我知﹖
早餐時段只有港式早餐，車仔麵o個類要11 點後先有得食，不過早餐o既粉麵都可以叫到部份車仔麵特有o既餸，好似豬潤呢d。
我點o左個B2 早餐($38)，麵包menu 上寫住「全件」，實物有兩塊咁多，而且係厚麵包o黎，感覺大件夾盛惠。試過o係其他地方食d 厚麵包唔太新鮮，好硬仲要食夠兩大塊真係死得，不過呢度o既麵包就夠晒軟熟。
三選一o既扒類我揀o左香脆雞扒，唔算話極之脆，但都ok o既，肉質唔會實ding ding 咁，有時都驚d 餐廳煎得耐得滯。火腿腸無乜特別唔講喇，但呢個餐有一樣好特別o既o野，就係跟餐會連埋一舊吉列紫薯餅。裡面軟滑而鮮甜o既薯蓉，蘸上麵包糠再炸得甘香，食多件都仲得呀！
吉列紫薯餅
35 views
0 likes
0 comments
至於友人就叫o左個B1 餐($34)，佢配多士，唔使加錢o既，又係有兩塊……佢個餐有粉麵，就係試o左那個豬潤——薑絲豬潤。好多人叫，點解我知﹖因為坐咁耐就聽足咁耐「薑絲」「薑絲」o既點餐聲，係咁此起彼落……老笠o左一片o黎食，個潤鬆化得o黎唔會好粉咁，加上薑絲添上微辣口感，都唔錯。
薑絲豬潤通粉
15 views
0 likes
0 comments
因為menu 上寫住飲品會用上荷蘭黑白淡奶，所以特登試下佢d 奶茶。如果落番多d 奶會更好，而家略嫌有少少澀。
Post
