肯德基家鄉雞 (KFC)

Open Now

Now Closed

今日早起身本身食咗嘢，不過好快又開始口痕，見仲講得切早餐時間，去食下好耐冇食嘅KFC.依家啲早餐冇30幾蚊都走唔甩，不過見到佢有啲散叫組合，加埋都幾抵，其實我主要想食佢個扭扭粉，我係超鍾意佢個番茄湯底。叫咗個芝士蛋豬柳包， $22連野飲，再加個扭扭粉都唔使$30，都真係幾抵食。個包唔錯可以再encore，估唔到佢個蛋幾嫩，加埋個豬柳又唔會好鹹，包都鬆軟，我覺得好食過厚切午餐肉果一款。不過奶茶就麻麻哋，味道好稀冇咩奶味。扭扭粉就最好食，佢真係keep住浸勁耐都好有彈性，蕃茄湯底飲晒添，個下口癮都唔錯。