小豆島日本料理 (Closed)

好少餐廳會好似日本咁早餐有飯食，雖然感覺上香港人唔係咁慣早餐食飯，但我就冇咩所謂，所以就叫左個鯖魚飯餐。（佢仲有鰻魚飯餐）原本個餐預設跟炒蛋既，但原來可以轉boiled egg架，所以我轉左，仲叫左杯咖啡。對於早餐要食好多既我黎講，呢個餐都好夠飽。鯖魚飯有3塊鯖魚，配埋香辣雪菜同鰻魚醬汁。雖然我唔係好食得辣，但呢隻香辣雪菜唔會好辣，反而幾開胃，個人幾鐘意。可惜隻蛋就冇咩蛋味，而咖啡就正正常常啦。個餐$36，價錢都正常。不過我好似剛剛遇到佢加左價先黎食，又會咁橋既，哈。