紅茶冰室

Open Now

Now Closed

假日早上成日都見到紅茶門口大排長龍等位食早餐，終於忍唔到試吓。招牌沙嗲牛肉麵好食，沙嗲汁香濃掛麵，牛肉唔靭唔嚡，厚薄適中。麵條硬度亦適中。整體唔錯，算係幾啱我個人口味。另一個餐叫咗火腿通粉，湯底味濃，但唔會食到頸渴。通粉係用細細粒有咬口嗰隻，口感好。整體OK。跟餐嘅蛋呀，飽呀，飲品就冇乜特別。就算其中一個餐跟嘅係招牌丹麥酥，都唔覺得有咩特別。值得一提係，如果趕時間嘅話，可以搵次冇咁趕先嚟食。整體嚟講，早餐湯粉麵OK，其他冇乜特別。有時間可一試。