Cafe Little (Closed)

又一個無午飯吃的工作天，橫掂無乜其他諗法，將計就計，去食呢度午餐時段無嘅全日早餐。這個時間，三點鐘，無人，也不太奇怪。點好了配搭就慢慢等，都又真係耐咗啲。先上一杯芒果汁，很小杯但不差。靜靜的，一個人嘅感覺好了，期待是有點。英式鬆餅很軟糯，亦沒有那些令人寡口的麵粉在上。牛肉腸雞肉腸各一，呢個就無咩特別。煙肉條香脆而無燶苦味，對辨。香草炒蛋，很軟滑，濕濕地，份量尤其滿意。最後品嚐著香濃咖啡，就再重新投入異世界裡去。