嵐山冰室

Open Now

Now Closed

今日懶洋洋唔想落街買嘢食同埋出去食，所以叫咗外送，一陣又要返工所以叫埋今晚嘅晚餐，咁就可以一個運費叫咗兩餐，真係好化算。我用咗唔同嘅角度去分析一下今次嘅餐飲體驗。早餐A：濃汁沙嗲牛肉麵因為我份人本身細食，所以一個沙嗲牛肉麵加隻煎蛋對我嚟講其實都好夠，但係對於一啲比較大食嘅人嚟講，呢個早餐可能唔係好夠飽。味道方面呢個籠汁嘅沙嗲牛肉麵相當濃味，沙嗲味足夠，我認為個汁係好食嘅。牛肉質地正常發揮公仔麵質地OK雖然係濃味，但係唔算好鹹亦唔係好油。迷你肉醬意粉，香脆雞翼（2隻）依個估唔到相當有驚喜，雖然個size唔係好大，但係個肉醬意粉嘅味真係相當好食，蕃茄味濃唔似有味精嗰隻鹹味，意粉質地亦唔錯，配埋兩隻雞翼炸到脆卜卜相當配搭。餐飲：沒有付款方法：信用卡人均消費：$71加兩蚊平台服務費等於$73 下次希望試吓煎蛋免治牛肉飯。