Gastrobox The Cameron (Closed)

已經有一段時間冇黎幫襯，成個餐廳嘅裝修色調都轉咗做藍色，好有新鮮感。一睇個餐牌就嚇親啦，以為自己眼發花，價錢有5x至$9x不等，已經有湯同埋有餐飲，我仲記得初初第一次嚟幫襯，都好似要80幾蚊一個套餐，之後就好似轉過個價錢牌，60幾蚊唔包野飲。羅宋湯味圖片淡淡湯料好多。豬扒意粉個豬扒十分細件，又薄身，食落去唔係好淋。我個朋友叫咗天使麵，因為個賣相幾核突所以冇影到相，但原來個味道都唔錯。我不嬲都好欣賞呢度嘅咖啡，應該都係啲幾靚嘅咖啡豆。係呢個比x華茶餐廳仲平嘅價錢，唔會有乜嘢期望，只要中規中矩都值得再嚟食。