莎樂美餐廳

Open Now

Now Closed

從餐廳門口就可以睇得出呢間＂莎樂美餐廳＂歷史悠久，係一間懷舊西餐廳。一踏進餐廳，立即好似進入時光隧道一樣，時光倒流到八丶九十年代。聽到播緊張學友的歌，裝修陳設全部都好有懷舊氣氛，綠白色格仔地磚，呢度有兩層，上層坐位比下層多。燈光比較昏暗。午餐餐牌的選擇唔多，只有幾款。當日點左越式札肉雞絲炒飯＄50丶串燒大蝦皇伴莎地亞雜扒＄64，兩個都係套餐，包一杯飲品丶餐湯丶仲有雪糕，非常經濟實惠。份量十足，保証一定捧腹而回。我選擇飲周打魚湯，配經典麵包。周打魚湯有一塊梳打餅，而且好多西芹。炒飯好大碟。鐵板餐亦都好大份，有雞扒丶豬扒丶串燒蝦丶薯條丶火腿⋯⋯份量驚人。甜品永遠都係一款，就係一球朱古力雪糕。