Solé (Closed)

Starters 六選四🔹鵝肝慕絲▫️風乾牛肉🔹金文畢芝士配無花果汁▫️蜜糖芥茉籽香草蝦Starter份量唔大，真係開開胃嘅小食，我較喜歡鵝肝慕絲，經典綿滑口感，鵝肝香味豐富但唔似食鵝肝咁肥膩。餐湯二選一🔹soup of the day 忌廉南瓜湯▫️ 經典法式洋蔥湯南瓜湯非常清新，淡淡鮮甜南瓜味，唔會好濃郁飲完就滯咗。經典法式洋蔥湯非常推介，鍾意有個芝士法包係湯入面，浸透洋蔥湯嘅精華，及焦糖化嘅洋蔥甜味。主菜四選二🔹油封烤鴨配法式雜菜薯角伴香橙醬汁油封鴨腿肉質軟嫩，輕輕一切肉一絲絲的鬆開，肉味鮮甜香濃。配上香橙醬汁，令食感更清新減肥膩感，而烤鴨令鴨皮之間嘅脂肪層都溶化入鴨肉，所以非常香口。▫️溫煮牛面頰配忌廉薯蓉伴牛肉汁用慢煮方便可令牛面頰肉質更軟腍，再將燴面頰精華煮成醬汁，配上入味又濃郁嘅牛面頰肉，真係非常香口。重點係忌廉薯蓉，入口幼滑，真係好似食緊奶油忌廉咁，每啖都有清香薯仔味，配上肉味濃郁嘅燴牛面頰食非常balance!甜品🔹特濃朱古力慕絲蛋糕朱古力味香濃，慕絲細滑。整個Dinner set for two非常圓滿，如果餐後有咖啡茶就更Perfect。另外餐廳跟法國一樣，sparkin