茶屋町 (長沙灣道) (Closed)

姐每次經過呢間茶屋町都見到好多人，時常爆滿， 難得今日經過啱啱開門，暫時仲有位，終於可以試下。呢度嘅裝修好特別，好似係火車車廂入面， 車外嘅風景就係一幅幅熟悉嘅漫畫卡通，加埋卡通入面嘅音樂，真係好有feel!茶屋町究極蟹子沙律-唔係平時食開嘅沙律菜, 而係海草黎, 特別爽口-蟹柳絲同海草，2種唔同口感，配合好香嘅芝麻醬，特別醒神開胃。明太子雞翼-去骨雞翼包住明太子餡料，雞翼炸得香脆，又好飽滿，餡料豐富，唔會太鹹，一口咬落去，好有驚喜!!期間限定蟹膏三文魚籽丼-份量十足，蟹膏大大啖，鮮味但唔腥-蟹肉鮮甜，帶有海水鹹香，份量好多-三文魚子粒粒精瑩通透，每一啖飯入口，都係鮮甜美味，好滿足抹茶千層蛋糕-蛋糕層次分明，抹茶cream好滑，中間仲有甜度適中嘅紅豆餡，增加甜品嘅層次，正！