博多拉麵別天神 (Closed)

今日嚟咗呢間係尖沙咀嘅拉麵店！成日經過呢度都見到呢度有間細細的拉麵店好想試，今次專程黎試吓！呢度嘅選擇唔多，只有兩款面選擇，另外可以配埋餃子同小龍蝦蟹子沙律~豚骨湯拉麵，一碗有大概3塊叉燒。先試湯底，佢唔似平時出面食開嘅湯底咁油膩同濃味，呢度感覺豬骨味更濃，味道比一般拉麵店清淡，叉燒半肥瘦，唔會好鞋口！如果唔想食死咸嘅拉麵可以試吓呢間，豬骨味好出！蝦味增豚骨湯麵，呢個加埋少少櫻花蝦同粟米更有口感，湯底相對上濃少少，有淡淡的櫻花蝦香味！沙律幾令人驚喜！因為食到爽口嘅蝦肉，雪凍左之後夾埋紫菜一齊食味道好夾！略嫌餃子煎得唔夠脆身~最後仲送咗兩個卡套添！