心選 (Closed)

個個朋友都知道我好喜歡周圍試新野，我成日都講旺區好難搵私竇，即係靜靜地傾吓計嘅地方，有人就介紹我呢一間野。佢響旺角廣場正正對面，大廈門口好細，要好留心先睇到，但呢啲嘢，對於做過偵探嘅我，又有乜難度呢？搭lift上3樓落一層就到。一坐低Sofa幾舒服，開始想叫嘢食。服務員就好特別俾個牌我叫我自己寫。都幾好！寫完個牌之後，服務員就收返個牌。幾特別！我哋叫咗兩個意粉，第一個係蒜蓉海鮮炒意粉。第二個係蘑菇煙鴨胸意粉。飲品方面女士叫咗藍莓奶昔，我就叫咗水蜜桃梳打。嘢飲到咗，女士便稱讚藍妹奶昔好啱佢，因為係唔甜，我個杯係水蜜桃梳打甜度啱啱好。我最怕嗰啲，飲落去甜到毆。同我不嬲嘅說法一樣好食係唔使講。是必須。如果鍾意靜靜地，傾吓計呢度都算幾舒服。