Video
Read full review
2018-03-02
255 views
同朋友去旺角試新野，係樓上 cafe 。cafe 主色係紅同白，都幾 sharp 幾醒神。入門口已經見到有好多玩具同 card game 而且仲有房自成一角啱曬開 party 。晚餐可以揀 dinner set 或者 a la carte ，都算應有盡有。我地叫左一個set dinner 同埋D小食 share 。 首先出場係餐湯同沙律。 忌廉磨菇湯 +$12， 個湯好得，濃濃忌廉湯又有好多磨菇，好香又暖胃。鮮雜菜沙律配日式蛋醬 +$10雖然個沙律收好平，但係一D都唔失禮。份量足，有蕃茄有青瓜有粟米同埋幾種沙律菜，全部都新鮮爽脆甜，大堆，食set 一定要加呀！蜜糖雞翼 $58一份雞翼竟然有八隻，都係$58，真係好抵食好感動。雞翼炸到金黃色皮好脆，加上有蜜糖汁，好味！特別一提，一般好少會食墊底菜，但見到佢樣子都好吸引便試吓。第一次食到墊底生菜都咁甜，生菜新鮮加上蜜糖雞翼D蜜汁滴曬入去，正！下次自己都可以試吓整蜜糖沙律菜先，唔使成日用沙律醬咁悶。意式茄醬燴肉丸 $68上枱嘅時候一見到就忍唔住，wow! 肉丸山呀！真係啱曬一大班人一齊 share ，好有party feel 。 肉丸彈牙好
晚餐可以揀 dinner set 或者 a la carte ，都算應有盡有。我地叫左一個set dinner 同埋D小食 share 。
首先出場係餐湯同沙律。
忌廉磨菇湯 +$12， 個湯好得，濃濃忌廉湯又有好多磨菇，好香又暖胃。
鮮雜菜沙律配日式蛋醬 +$10
雖然個沙律收好平，但係一D都唔失禮。份量足，有蕃茄有青瓜有粟米同埋幾種沙律菜，全部都新鮮爽脆甜，大堆，食set 一定要加呀！
蜜糖雞翼 $58
一份雞翼竟然有八隻，都係$58，真係好抵食好感動。雞翼炸到金黃色皮好脆，加上有蜜糖汁，好味！
特別一提，一般好少會食墊底菜，但見到佢樣子都好吸引便試吓。第一次食到墊底生菜都咁甜，生菜新鮮加上蜜糖雞翼D蜜汁滴曬入去，正！下次自己都可以試吓整蜜糖沙律菜先，唔使成日用沙律醬咁悶。
意式茄醬燴肉丸 $68
上枱嘅時候一見到就忍唔住，wow! 肉丸山呀！真係啱曬一大班人一齊 share ，好有party feel 。 肉丸彈牙好味，茄醬味適中，好味。
黑松露海蝦帶子意大利飯 $125
呢個係set dinner ， 包一杯飲品 （$30以下）。一份有三隻大蝦三隻帶子，啖啖肉好滿足。佢都好多料，有磨菇洋蔥等。但係意大利飯就略為乾左D，唔夠汁。
餐飲我地叫左
蜂蜜綠茶 跟餐免費
都算大杯，朋友話甜甜地正常味道。
而我就試左 Diana 戴安娜花茶 $58，佢係用左紫玫瑰花、紅玫瑰花同埋洋甘菊一齊焗架。我鍾意佢可以治失眠同舒緩壓力，夜晚應該會好瞓D 。果然好味喎，唔使加糖都有淡淡甜味，正！鍾意花茶嘅朋友應該不能抗拒。不過唔係好大壺，$58 好似貴左少少。
已經好飽，但係點都想試佢既芝士蛋糕，因為只係加$15 就有了，出面餅店都做唔到咁平。外表好得，食落好掂。芝士味濃，入口溶化，一D都唔實。都係果句，食set 唔加就笨了。
食食下中途已經 full house （平日喎），後面 walkin 果D都冇位了，所以記得要先 book 枱。
總括來講： 食物大份、上菜很快、服務很好、地點方便、枱又好坐，食完野仲可以慢慢坐同玩 game 。 價錢唔貴， 埋單每人先百幾蚊，堅抵。
Post
