意粉狂熱 (雅蘭中心)

Open Now

Now Closed

世界杯前夕，約埋朋友黎番場意粉狂熱。呢間主打意粉的餐廳，賣點並非正宗意粉，而係意日fusion菜式，門口佈置得時尚型格。今日我哋一行2人，點咗兩個意粉，加個小食拼盤。經典3式拼盤意式薄切三文魚忌廉芝士卷，賣相精緻，其柔軟口感同熱辣辣嘅香脆炸雞形成強烈對比。炸雞都幾脆身，炸漿不會過多，如加少少檸檬汁就更好, 可以大大減去油膩感。粗條連皮嘅薯角口感唔錯，外脆內軟。呢款期間限定嘅帕爾馬火腿片配牛油果冷製意粉🥑, 一啖入口帶濃濃香草味，凍意粉嘅質感彈牙，而帕爾馬火腿亦鹹香十足，同水牛芝士 & 牛油果粒一齊食，又幾夾喎。壽喜燒風!牛肉雜菌鮮製意粉鮮製意粉比較粗身，口感煙韌，細嚼能吃出小麥味道，配合雜菌、牛肉，再加上少許葱絲同紫菜絲調味，好fusion！布甸香滑，奶味濃郁，不會太甜。冰凍果茶入面有士多啤梨、蘋果、橙、奇異果等鮮果，認真夠fresh！咖啡很香濃，加入UCC專用咖啡奶，更能提昇香滑感。