川串香

Open Now

Now Closed

今次黎到旺角呢間串燒舖，真係幾唔錯既串燒，d肉放曬出黎，比大家到睇到曬，意做乜都可以任君選擇，仲做到即叫即燒，唔怪之得咁多人都去擇下喇。最緊要係師博落既調味剛好到位，唔會太咸。仲有既就，佢d價錢材料份量全部通通都一次過show曬出黎，唔會好似好多旺角小食舖咁收收埋埋，然後就收到好貴。呢間夠曬貨真價實。煙肉包腸仔，本人就最鐘意煙肉夠乾身，唔油，辣粉調味岩岩好，少咸，用黎送啤酒食就真係一流。燒全翼，可以係串燒之王，必點既一道串燒，燒到外皮夠曬脆口，但又保留到肉汁。多春魚夠惹味，而且可以連骨食埋，一流。肥牛金茹，茹同肥牛份量既比例恰到好處，而且金茹食落好有口感，夠曬爽口。菜類方面，娃娃菜就最好食，好有水份，加埋辣粉又夠曬辣。