串Grill 自助燒烤專門店 (廣華街) (Closed)

呢間位於旺角的自助燒烤專門店，晚上7點前有特價，每人$208加一就可以任食串燒，今日放下午梗係要約朋友嚟試下。餐廳座位全部都係卡位，我們2人坐得好舒服。入座後，店員就立即放低一盤串燒，跟住就很細心教我們點放串燒在個爐上面燒，及提醒我們只可放竹籤在收集筒。個爐熱得好快，放在運輸帶上既串燒會不斷自動翻轉，除左唔使自己動手整之外，食物都會熱得均勻D。串燒選擇都幾多種類，有牛、豬、雞、羊、海鮮、腸、丸、菜及甜品。特別推介：M6和牛柳：牛肉味濃，充滿油香。豬大腸：爽口夠惹味。魚肉年糕：煙韌有咬口。雞蛋仔：估唔到呢種食法超好味。調味料有幾款，可以提高及帶出各種食物的味道。飲品都有好多選擇，全部都可以去飲品櫃自取。最後，每人仲有1杯Haagen-Dazs雪糕，很豐富。