喜來稀肉 (Closed)

話說今日小弟同女友出左旺角行下， 呢期疫情緩和市面正常返條街都好多人， 旺角終於旺返啦。 咁我兩口子行到攰就去左廣華街揾野食， 女友人見到呢度有喜來稀喎， 係之前尖沙咀食過嗰間， 咁既然係熟悉既味道我地就入去醫肚啦。。佢地間旺角分店裝橫大至同尖沙咀相同，反而室內冷氣無尖沙咀店咁焗束。野食我地叫左一份喜來烤肉，牛肉眼扒，蟹籽紫菜飯糰同埋一個雪濃湯。 味道方面我覺得旺角分店好似好d, 可能因為呢度冷氣夠，食野體驗感覺好d.. 個喜來烤肉d肉汁浸得好入味令d牛肉好鬆化juicy. 食落口好有醬油牛肉既濃厚口感。 個牛肉眼就厚度剛好， 擺落去烤好快熟同肉質都幾好， 就算燒得較熟都好有咬口同埋落些許鹽就已經可以帶出鮮味。 個蟹籽紫菜飯糰就發現旺角分店係無加沙律醬， 都好既因為食落無咁漏。 最後飲埋換雪濃湯就真係大滿足啦， 女友人話雪濃湯係佢係韓國旅行飲過既嗰隻牛肉湯味。 好正！。。