近又吉列黑豚專賣店 (Closed)

這天男友想食吉列豬排，但成個旺角都無咩幾間好食~(家樂坊o個間都係麻麻~~)上openrice睇，見到有間係朗豪坊叫近又，評語又唔錯，就上左去試下。我地真係成日眼闊肚窄，又叫到成台野，我地兩個各自叫了個set再加多$48要左個吉列野菜。男友點的是普通的吉列豚，因為黑豚賣晒。個吉列豬排都炸得好脆好鬆化，而且豬排仲保留到肉汁。份量都算大份，差d食唔晒。我就點左吉列豚肉蘆荀卷，豚肉質感無吉列豬排咁好，但有包蘆荀，整體都算juicy~而且唔會整係食豬肉咁dry，加埋不停refill的椰菜絲，真係正!另外加點的吉列野菜，我地剩係食個set都飽到頂，但點都食埋佢。吉列野菜數量都唔少，而且炸得都好香口，個吉列南瓜好正!白飯都粒粒分明，飽滿圓潤，唔會煮到好爛，因為食吉列，如果d飯唔好食真係太打折扣。仲有店員會不停主動refill椰菜絲，真係抵讚!服務同食物我都好滿意，食得開心又好飽的一餐。