海都車仔麵茶餐廳

Open Now

Now Closed

🍜三餸麵（任選）＋飲品 $43✅魷魚、蘿蔔、豬軟骨銀針粉加凍檸茶旺角熟食中心嗰度有唔少舖頭，但呢間車仔麵特別多人幫襯，晏晝keep住有唔少人流，落咗單都要等一段時間先有得食。唔係間間車仔麵都有得食銀針粉，平時比較少機會食，所以叫黎食下。個湯底揀咗秘製辣汁🌶️，食落真係好辣，唔係特別食得辣嘅朋友就真係唔好叫呢個湯底，如果唔係真係食唔到。魷魚夠入味夠彈，蘿蔔夠淋。但豬軟骨同平時食開既好唔同，啲肉唔夠淋，話軟骨但唔係軟骨，啲骨白色咬落去粉粉地，個人唔係咁鍾意呢個口感。我覺得呢間車仔麵最好嘅地方係所有餸任揀三款都係$43 ，唔會分貴價餸同平價餸，平時雞扒豬扒呢啲餸都一定要加錢，佢竟然收同一價錢，仲要包埋飲品，好抵食。