八福 (Closed)

以前成日同莊員落黎女人街搵野食，因為呢道又平又多選擇😚，諗唔到食乜個陣就會行去女人街😆！————————————————————飛魚子煙鴨胸芝麻冷烏冬 $52呢排天氣真係好熱，成日未行到去餐廳已經熱到大汗疊細汗🥵，搞到無乜食慾，所以叫左個冷烏冬降一降溫🥶。-烏冬煙韌彈牙，而且夠冰凍，口感好好😋。煙鴨胸厚切多汁，但得四塊略嫌太少。麻醬質感過稀，如果芝麻醬味再濃稠啲會更好🤓。————————————————————照燒雞扒吉列魚柳飯+迷你烏冬 $63雞扒肉厚，照燒汁惹味😉，魚柳炸得唔錯，唔會成口炸粉，不過質感硬左少少😛。迷你烏冬份量岩岩好，配麵豉湯底好夾。配菜泡菜唔新鮮，梅梅地，可以不試🙅🏻‍♀️。