紅火鮮料火鍋專門店

Open Now

Now Closed

行開旺角天氣凍凍哋又想食下啲熱嘢，打邊爐就最啱。依家兆萬中心已經唔再係劣食之塔，有好多好選擇。其中紅火係我幾個朋友都介紹性價比高嘅火鍋店。成人每位$178任飲任食， 有差唔多100種配料，呢個價錢係抵到爛。最近有秋冬火鍋底系列，可以試花膠，羊腩煲等等。今晚試左個酸菜魚煲先。呢度嘅酸菜魚係用鯇魚片，有大量酸菜，味道都有點貼近咁內地做法， 算係不俗。每位加30蚊可以飲食刺身。美國雪花肥牛可以任叫，質素都唔錯。大腸超正，強烈推介，肥厚軟糯又乾淨。飲品有好多款，我最愛都係飲茶！雪糕就係幾款雀巢，簡簡單單都唔錯。