滾喜火鍋專門店 (Closed)

同朋友約咗出旺角食飯，大家收工都覺得好肚餓，所以就決定食任食雞煲，滿足一下！我哋揀咗個芝士雞煲，升級任食高級安格斯，價錢都唔貴！好快就上咗雞煲，雞嘅份量好多，而且每一件都啖啖肉，加埋洋蔥同埋芝士，非常惹味同入味😋食得差唔多就可以轉打邊爐，任食嘅材料都有好多選擇當然，最唔少得係肉類啦！安格斯牛肉雪花分布得好平均，肉味相當濃，而且唔會太肥，所以唔會太膩🙆🏻‍♀️另外都有點到豬肉同羊肉，羊肉一啲都唔羶，反而係食到肉嘅鮮味，相當驚喜！另外，我哋叫咗鯇魚同白鱔，魚肉都好新鮮，白鱔夠爽口！掛湯嘅配料，一定要叫響鈴同炸魚皮，兩樣都好鬆脆👍如果想健康啲或者冇咁濟，都有好多蔬菜選擇！或者其他平時打邊爐嘅配料都有，我同朋友都差不多每樣叫咗一份黎試🤣飲品都有好多選擇，連一渣渣嘅竹蔗茅根都有！