串燒王 (祥興樓)

Open Now

Now Closed

位置係朗豪坊附近，行一二條街口就到，環境雖然唔大，但同朋友吹水飲酒食下串燒已經足夠，有彩色霓虹燈作裝飾，夜晚睇都幾靚。一路食一路發現都幾多人會係度買外賣。鹽燒多春魚（$45 / 6條）燒得好香脆，但又唔會燒到焦黑，熟度剛剛好，食落好香口。蒜蓉原條茄子（$38 / 條）一大塊茄子平鋪滿蒜蓉粒，再加上芝麻和香蔥，食落蒜香味極濃郁，茄子口感軟熟，用筷子可輕易夾上一絲絲茄子肉。雞中翼（4隻）（$36 / 2串）雞翼燒得外脆內軟，外皮食落脆口，內裹肉質鮮嫩多汁，兩串一共有四隻，好岩幾個人一齊分享。牛肉串（$28 / 串）牛肉粒有香濃既孜然味，有少少新疆牛肉粒既風味，口感飽滿有咬口，唔會太淋，食落特別過癮。錫紙花甲粉（$65 / 份）花甲份量唔少，湯底喝落鮮甜，食咁多串燒黎碗花甲粉確實唔錯，配菜仲有娃娃菜，可解一解油膩感。