泰源獅城風味

Open Now

Now Closed

同朋友係始創中心商場行完街, 係附近西洋菜南街望下有咩好食, 見到呢間餐廳係門口則邊擺放了一隻新加坡小型石獅子, 都幾得意, 便入內試下, 環境光猛整潔, 好多卡位, 座位舒適, 仲有歌聽!女侍應介紹佢地新出既醉雞鍋俾我地, 隔離枱都叫了仲食緊, 見到啲雞塊都幾靚, 試下佢先, 有分成隻同半隻, 我地叫左半隻$98, 好抵食. 黎到有個火鍋提供拾雞塊, 啲雞食落新鮮和好滑, 佢有送埋生菜, 生菜吸收了醉雞湯味, 食落有小小酒味, 很香又爽口, 同埋雞塊都好多, 呢款食物性價比超高!酸菜魚(微辣) $138酸菜魚一樣份量十足好大碗, 配以酸菜, 蓮藕片, 芽菜, 豆腐皮幾特別, 湯底酸辣剛好很平均, 魚片食落順滑, 不會太薄, 夾落去不會散同有彈性, 仲有好多魚片, 好味, 送飯一流!蜂蜜檸檬水和話梅檸檬茶(熱), 我想讚一讚佢呢兩款飲品, 平時係其他餐廳飲開都係好平常無特別, 呢到兩杯感覺佢係俾足料去沖, 好飲, 話梅檸檬茶推介!食到差不多, 女侍應仲話有免費自助生果盤提供, 有蕃茄仔, 火龍果, 哈密瓜, 枝豆, 沙律菜, 出面餐廳真係好小會提供埋, 呢度食得健康, 有飯後生果! 整