三公台灣料理 (Closed)

今日同FD到兆萬買嘢，睇到對面新開咗一家臺灣嘢，價錢唔貴，咁試試。店鋪裝修得好溫馨，晚市平均70一個便當包埋飲品。凍黑糖濃乳愛玉果子，黑糖味好濃厚，不過唔會好甜。愛玉比得好足料，比到差唔多3分之一杯，唔錯。熱古早味冬瓜茶（便當搭配），冬瓜味好香，同樣唔會好甜，飲落好清爽。椒麻鴨舌，哩個前菜真係好開胃，鴨舌處理得唔錯，食落好麻辣，好食。臺式滷味揀咗鹵水溏心蛋，金錢腱同甜不辣。鹵水溏心蛋，蛋煮得火候啱啱好，蛋黃入口即化，好味。金錢腱煲得好軟爛，哩間鹵水汁唔會過鹹，金錢腱食落好似屋企自家制味道。甜不辣，哩個好似和滷味關係不大。甜不辣大大件有5-6件，炸得好香口，OK。香酥雞球椒麻拌面便當，哩份配料好豐富，有鹵肉，粟米仔，洋蔥等。鹵肉粒唔係切碎果種，係好似牛肉粒咁樣，食落好有口感。面拌得好夠味，有少少椒香味，全部食曬。抹茶麻薯愛玉，愛玉食落好清爽，青檸片加入有著畫龍點睛作用，成份甜品有著淡淡檸檬香，好食。