Video
Read full review
2023-01-15
4386 views
嚟旺角辦完年貨，順便喺附近食埋飯先返屋企。喺快富街見到有間裝潢優雅嘅新餐廳，以指譬教，以月比法，「指月」，名字甚有意思。細看門外餐牌，店舖主打牛腩粉麵，另外亦有五香牛雜、餃子同椰菜花飯等供應，選擇都幾豐富，啱晒河車，今晚就一於喺呢度開餐。點咗清湯牛腩伊、無米炒飯、一碟煎餃子，另外再加咗幾款小食。招牌蘿蔔清湯騸牯牛腩伊 ($62) 率先送上，餐廳標榜所有嘅食物都無落味精，先呷一口湯底，味道果然與眾不同，濃郁得嚟好清，有層次感。牛腩選用了騸牯牛炮製，騸牯牛即係已閹割嘅牛，食落肉質好鬆化，夠腍、入味又有肉香，蘿蔔亦清甜無渣，連伊麵也恰如其份，彈牙煙韌，掛湯力強，以辣椒油、菜脯及酸蘿蔔伴吃，啖啖滋味。近年好興食椰菜花飯，見到餐廳有呢款「瘦身恩物」供應，當然唔可以錯過。選擇貴精不貴多，只得 4 款，揀咗 XO 醬肉鬆蝦仁無米炒飯 ($72)。 肉鬆微咸、蝦仁爽彈，配上濃香惹味嘅 XO 醬、低卡高纖嘅椰菜花，再以清爽嘅梅漬車厘茄作點綴，口感超豐富。韭菜豬肉煎餃子 ($48) 接著上桌，底部煎得非常香口，熱辣辣，焦焦脆脆，入面嘅餡料比例啱啱好，豬肉新鮮，韭菜辛香味濃，蘸自家製醬汁吃，非常惹味。小
嚟旺角辦完年貨，順便喺附近食埋飯先返屋企。喺快富街見到有間裝潢優雅嘅新餐廳，以指譬教，以月比法，「指月」，名字甚有意思。
細看門外餐牌，店舖主打牛腩粉麵，另外亦有五香牛雜、餃子同椰菜花飯等供應，選擇都幾豐富，啱晒河車，今晚就一於喺呢度開餐。
點咗清湯牛腩伊、無米炒飯、一碟煎餃子，另外再加咗幾款小食。
招牌蘿蔔清湯騸牯牛腩伊 ($62) 率先送上，餐廳標榜所有嘅食物都無落味精，先呷一口湯底，味道果然與眾不同，濃郁得嚟好清，有層次感。
牛腩選用了騸牯牛炮製，騸牯牛即係已閹割嘅牛，食落肉質好鬆化，夠腍、入味又有肉香，蘿蔔亦清甜無渣，連伊麵也恰如其份，彈牙煙韌，掛湯力強，以辣椒油、菜脯及酸蘿蔔伴吃，啖啖滋味。
近年好興食椰菜花飯，見到餐廳有呢款「瘦身恩物」供應，當然唔可以錯過。選擇貴精不貴多，只得 4 款，揀咗 XO 醬肉鬆蝦仁無米炒飯 ($72)。
肉鬆微咸、蝦仁爽彈，配上濃香惹味嘅 XO 醬、低卡高纖嘅椰菜花，再以清爽嘅梅漬車厘茄作點綴，口感超豐富。
韭菜豬肉煎餃子 ($48) 接著上桌，底部煎得非常香口，熱辣辣，焦焦脆脆，入面嘅餡料比例啱啱好，豬肉新鮮，韭菜辛香味濃，蘸自家製醬汁吃，非常惹味。
小食方面，一口氣點了 3 款，有黃金炸魚皮 ($32)、干扁四季豆 ($32) 同 南乳炆豬手 ($25)。魚皮炸得好鬆脆，配上濃郁嘅鹹蛋黃香氣，美味。
四季豆入味爽脆，炒得好夠鑊氣，配埋咸香嘅豬肉碎，送飯一流。豬手用南乳炆至軟腍，食落膠質好豐富，入味帶酒香。
飲品點咗檸檬薏米水 同 山楂烏梅茶，薏米水加入了檸檬，入口酸酸甜甜，健康又養生。烏梅茶味道亦唔錯，生津解渴，絕對係醒胃之選。
Post
