Video
Read full review
2021-10-25
48 views
今晚去左旺角交收順便同朋友去左旺角新開嘅居酒屋試下, 餐廳環境好日式, 以富士山做主題, 無論紙巾座, 醬油碟, 食物都可以搵到有富士山嘅蹤影, 背景音樂播住90~00年代嘅日文歌, 好有氣氛!🌟天之戶冰晶🍶(純米吟釀)酒體清甜甘怡, 帶淡淡米香, 較為容易入口, food pairing壽司,沙律就絕配, 進一步帶出白米嘅甘甜味🌟西班牙鯷魚醬配新鮮蔬果條鯷魚醬係廚師自家製的, 味道咸咸地配搭新鮮爽脆嘅蔬果條, 食落幾特別又開胃!🌟香煎牛油果蟹肉餅沙律🥑🦀🥗沙律足料足量, 沙律菜口感爽脆, 蟹肉餅食落啖啖蟹肉, 十分滿足 🌟九件壽司🍣壽司有鱲魚, 赤身, 拖羅, 深池, 赤蝦, 帶子, 海膽, 鰈魚邊同和牛, 件件都相當新鮮, 各有特色, 而小妹最中意嘅就係入口即溶嘅鰈魚邊壽司同口感爽嫩嘅鱲魚壽司!🌟手作免治雞肉軟骨餅🐔有別於一般棒狀嘅免治雞肉餅, E款係廚師自家製的, 自己刴自己調味, 食落口感的確同平時唔同, 雞肉味較香而且入面仲有埋軟骨, 食落好爽脆, 口感相當豐富🌟千府一品厚切牛舌芯🐂👅入口牛味濃郁, 口感爽脆, 油脂甘香, 調味方面只係用左少許鹽同檸檬汁已經相當好味!🌟日本金
🌟天之戶冰晶🍶(純米吟釀)
酒體清甜甘怡, 帶淡淡米香, 較為容易入口, food pairing壽司,沙律就絕配, 進一步帶出白米嘅甘甜味
🌟西班牙鯷魚醬配新鮮蔬果條
鯷魚醬係廚師自家製的, 味道咸咸地配搭新鮮爽脆嘅蔬果條, 食落幾特別又開胃!
🌟香煎牛油果蟹肉餅沙律🥑🦀🥗
沙律足料足量, 沙律菜口感爽脆, 蟹肉餅食落啖啖蟹肉, 十分滿足
🌟九件壽司🍣
壽司有鱲魚, 赤身, 拖羅, 深池, 赤蝦, 帶子, 海膽, 鰈魚邊同和牛, 件件都相當新鮮, 各有特色, 而小妹最中意嘅就係入口即溶嘅鰈魚邊壽司同口感爽嫩嘅鱲魚壽司!
🌟手作免治雞肉軟骨餅🐔
有別於一般棒狀嘅免治雞肉餅, E款係廚師自家製的, 自己刴自己調味, 食落口感的確同平時唔同, 雞肉味較香而且入面仲有埋軟骨, 食落好爽脆, 口感相當豐富
🌟千府一品厚切牛舌芯🐂👅
入口牛味濃郁, 口感爽脆, 油脂甘香, 調味方面只係用左少許鹽同檸檬汁已經相當好味!
🌟日本金時蕃薯🍠
味道香甜味美, 口感柔軟
🌟鮮淮山
已預先調好味嘅燒鮮淮山食落質感軟腍帶點黏液, 口感幾特別
🌟一口豆腐
一口豆腐燒得色澤金黃好吸引, 食落外脆內軟, 豆味幾香!
🌟鹽燒白鱔
咬落去外層皮脆焦香, 魚肉質感嫩滑, 魚油慢慢滲出, 味道不錯
🌟宇治抹茶十勝紅豆布丁
布丁抹茶味香濃無苦澀味, 食落口感幼滑, 味道唔太甜, 配搭甜美飽滿嘅十勝紅豆, 整體味道不錯!
Post
