滿滿丼 (Closed)

經過通菜街，見到好多人喺呢間小店面前排隊，有等外賣，亦都有等位嘅，不經意望一望擺放門口嘅餐牌，見到價錢真係非常吸引，以日式晚餐嚟講，真係非常抵食👍🏻店內非常衛生企理，有卡位，都算係幾舒服😌豬軟骨烤雞鴛鴦當配蜆肉青瓜～當本身有選擇困難症嘅時候，見到雙拼丼飯就即刻心心眼😍豬軟骨非常淋，可以話係入口即化，烤雞都非常惹味黑蒜濃湯煮蜆～蜆非常飽滿，份量亦都好多，大概有20隻～除咗湯既蒜香味之外，都有蜆嘅鮮甜，值得推介👍🏻蒜片一口牛柳粒丼配黑松茸鮮菌～牛柳粒非常夠味，而且配埋蒜片更加突顯牛柳粒嘅惹味，黑松茸鮮菌份量亦都非常多，一直覺得呢個價錢，提供既份量未必夠飽，但原來可以咁豐富😋棒棒炸雞翼配黑松茸醬～食雞翼，最怕冇晒儀態，呢個係單骨雞翼，剛好排除左呢個問題。而且炸得非常香脆，配埋黑松茸將簡直一流👍🏻味噌湯～天氣凍，總係想飲一碗熱湯，呢個味噌湯用料足，豆腐非常嫰滑，湯唔會死咸，好味道😁