Video
Read full review
2020-06-24
202 views
Black Coffee #旺角 #黃店💛❗️旺角暗黑型格人氣Cafe 多種特色甜品❗️喺旺角鬧市嘅轉角位開咗呢間以型格黑色為主調嘅新cafe🥳佢哋係土瓜灣一間出名Cafe HeySoNuts嘅分店，好多年前已經book mark左，但一直嫌遠所以冇去到🙈難得喺旺角咁就腳嘅地方開咗，仲要有好多人推介，梗係要去朝聖下！環境以黑色為主調🖤加上少許黑白色雲石，非常型格，成為唔少人嘅打卡熱點🔥不過的確幾多人，假日嚟要預時間排隊，而且有限堂食最多90分鐘。千層酥日式疏乎厘鬆餅🥞$82疏乎厘蛋香十足，超級軟綿綿🍳不過略嫌濕咗少少，如果空氣感重的會更好。欣賞佢哋巧妙地配上埋口感截然不同嘅鬆脆千層酥，甜甜地非常鬆化，將兩個非常吸引嘅甜品合併做一份，一次過滿足你兩個願望💕表面嘅忌廉亦都好輕盈，一啲都唔膩。仲配上埋糖漿，不過千祈唔好加太多，少少已經夠晒甜。味道: 4.1/5性價比: 3.9/5自家製髒髒提拉米蘇🍰$65用上軟身嘅mascarpone cheese同埋浸到淋身嘅手指餅，芝士同酒味平衡得恰到好處，唔會過濕👍🏻另外，超鍾意邊度嘅提拉米蘇係加上咗oreo碎同埋朱古力醬，令到口感同味道都更豐富，係幾高
❗️旺角暗黑型格人氣Cafe 多種特色甜品❗️
喺旺角鬧市嘅轉角位開咗呢間以型格黑色為主調嘅新cafe🥳佢哋係土瓜灣一間出名Cafe HeySoNuts嘅分店，好多年前已經book mark左，但一直嫌遠所以冇去到🙈難得喺旺角咁就腳嘅地方開咗，仲要有好多人推介，梗係要去朝聖下！
環境以黑色為主調🖤加上少許黑白色雲石，非常型格，成為唔少人嘅打卡熱點🔥不過的確幾多人，假日嚟要預時間排隊，而且有限堂食最多90分鐘。
千層酥日式疏乎厘鬆餅🥞$82
疏乎厘蛋香十足，超級軟綿綿🍳不過略嫌濕咗少少，如果空氣感重的會更好。欣賞佢哋巧妙地配上埋口感截然不同嘅鬆脆千層酥，甜甜地非常鬆化，將兩個非常吸引嘅甜品合併做一份，一次過滿足你兩個願望💕表面嘅忌廉亦都好輕盈，一啲都唔膩。仲配上埋糖漿，不過千祈唔好加太多，少少已經夠晒甜。
味道: 4.1/5
性價比: 3.9/5
自家製髒髒提拉米蘇🍰$65
用上軟身嘅mascarpone cheese同埋浸到淋身嘅手指餅，芝士同酒味平衡得恰到好處，唔會過濕👍🏻另外，超鍾意邊度嘅提拉米蘇係加上咗oreo碎同埋朱古力醬，令到口感同味道都更豐富，係幾高質嘅提拉米蘇💯！
味道: 4.2/5
性價比: 4/5
蜜桃氣泡咖啡🥃$48
呢杯咖啡就有少少失望，本身咖啡底又啲酸澀，撈埋底下嘅蜜桃氣泡汁甜甜地會好少少，但係蜜桃味道一啲都唔出，整體依然係偏酸🙈勝在幾清涼。
味道: 3/5
性價比: 3/5
整體來講，呢度嘅食物環境質素都幾高，難怪有咁多人推薦👍🏻而且仲要係黃店💛值得大家多多支持！順帶一提，餐廳服務好好，完全唔介意我哋想去另一個位置影相，非常有善。
千層酥日式疏乎厘鬆餅
$82
59 views
0 likes
0 comments
千層酥日式疏乎厘鬆餅
$82
94 views
0 likes
0 comments
自家製髒髒提拉米蘇
$65
167 views
0 likes
0 comments
蜜桃氣泡咖啡
$48
49 views
0 likes
0 comments
蜜桃氣泡咖啡
$48
35 views
0 likes
0 comments
Post
