八居酒屋 (旺角新城)

Open Now

Now Closed

今日約左朋友去旺角食飯,碌openrice見到旺角有間八居酒屋,記得之前食過尖沙咀天文臺道八居酒屋唔錯,再睇發現原來都係同一間,係旺角開左分店。尖沙咀係主要食串燒,旺角分店食物種類比較多,有刺身、壽司、串燒、燒物等等。餐廳位置信和附近,都幾方便,環境唔錯,好寬敞,坐得幾舒服。餐廳用QR code 落單,食物真係好多選擇。仙台厚燒牛舌係餐廳招牌菜,牛舌厚切口感豐富,燒得唔錯,食落外脆內軟,肉質鮮嫩,一D都唔韌,推介。 鹽燒脆白鱔燒到層皮好脆,但唔會燒到好乾,可以保留肉汁,肉質彈牙。汁煮左口魚邊,左口魚邊有火炙過,入口即溶,好重魚油,食落好香。鮟康魚肝一D都唔腥, 口感綿密,估唔到呢間餐廳都有得食。八~壽司盛有8件手握壽司,每件壽司味道都唔錯,整體都好食。最後餐廳仲有2杯雪糕送,揀左伯爵茶橙味同朱古力味,雪糕係香港製造,幾好食。每個客人仲會有一次夾公仔機會,夾波波計分,就可以即時換唔同小食或飲品,好易夾到,我地今次夾到換熒光魷魚漬,又有得玩又有得食。