八居酒屋 (旺角新城)

Open Now

Now Closed

樓下成日有姐姐派傳單，通常都快快腳行過，會miss左旺角新城，其實樓上都有好多野食！今日就同朋友食左e間日本居酒屋，裝修同佈置都有用心設計，門口既餐單已經有多款清酒供應，不愧係愛喝酒人士既好去處。同時餐廳仲做緊2小時無限飲既優惠，都幾抵。日式芝士年糕芝士好濃郁，口感都Q彈，鍾意芝士既你就唔好錯過！黎到居酒居，當然要試下啲串燒喇！我地叫左七味雞軟骨、鹽燒雞皮串、鹽燒雞翼串及汁燒日本魷魚串，當中魷魚串推薦👍🏽👍🏽個汁好食，份量恰當，口感豐富！另外仲叫左鹽燒鯖魚，肉質都嫩滑，而且都大條既，兩個人食岩岩好。牛肉壽喜燒鍋牛肉既份量都好多，雖然e個價錢做唔到入口即溶，但起碼份量都好足，食落都幾有口感。入面既粉絲索曬壽喜燒既汁甜甜地好好食可惜我最鍾意既味淋魚乾最後先上，雖然份量都係好足，味道亦好好，可惜我地已經飽飽地🥹對於想要放鬆飲酒食好西既人來講，e度絕對是一個值得一試既地方。