串燒王 (祥興樓)

Open Now

Now Closed

夜媽媽開ot辛苦一輪之後想搵間好野食慰勞下自己，今次就試下呢間串燒王。一個人食都可以好盡興呀！呢間串燒王幾近朗豪坊，而仲開到凌晨時間，岩晒鍾意買嚟食宵夜或睇波嘅朋友 🌟汁燒火箭魷魚筒 $72🌟果然係原條上，份量都幾大。上菜嘅時候已經聞到勁香魷魚味，燒得岩岩好，唔會過熟。調味有小小辣，更加惹味，魷魚亦幾有嚼勁 🌟原隻田雞燒🌟田雞雞位置啖啖肉，而且肉質幾結實，自己就鍾意再曬孜然粉粉上去食，帶到田雞肉個雞肉味會更加出 🌟燒原條秋刀魚 $65/2條🌟燒得魚皮香脆，內裡肉質都保持到鮮味，加埋香蒜食都幾香口，味粉亦好足夠 🌟燒韮菜 $15🌟韮菜都幾爽口，而且本身都幾鮮甜，燒完之後更香更惹味