沙田頭火鍋 (Closed)

終於等到政府宣佈解除口罩令啦，出街可以呼吸新鮮空氣啦，一於食返餐好既慶祝下，同朋友去左呢間沙田頭火鍋食高質既單點火鍋，餐廳提供多款特色湯底，連冬蔭功湯底都有，今次唔食辣就揀左個清熱既椰子文昌雞鍋🌟湯底: 椰子文昌雞鍋 ($178/半隻)雞件建議煮7分鐘，食左雞肉先，半隻雞其實份量都幾多，肉質鮮嫩又夠juicy，打邊爐之前飲返啖湯先，用上新鮮雞唔會食到有雪味，店員即場係我地面前開個椰青倒椰青水落個鍋度，煮一陣就食得，雞肉超嫩滑，最正係個湯底，未打邊爐前已經飲左兩三碗，好清甜椰香味濃🌟特級手切本地鮮牛頸脊 ($298)打邊爐點少得牛肉呢，用上本地新鮮牛頸脊，油脂分佈平均，淥一淥就食得，正🌟時令海鮮拼盤 ($298)我同朋友都係海鮮控，叫左個時令海鮮拼盤，店家會提供當日最新鮮既海鮮，今日有蝦、蟹同蜆，見到啲蝦生猛到上枱仲紮紮跳就知正啦🌟手打鮮滑三拼 ($98)有蝦滑、墨魚滑同牛肉滑，蝦滑超彈牙，墨魚滑上面加左蟹籽，鮮味十足🌟自家製鮮蝦雲吞 ($88)手工餃方面我最愛都係鮮蝦雲吞，佢地既雲吞皮薄餡靚，有少少唔夠喉想encore🌟三秒脆響鈴 ($58)🌟赤小豆薏米水 ($32)最後叫埋脆卜卜既響