Video
Read full review
2016-10-24
3698 views
今日陪親愛的去旺角睇d野之後食晏，行到油麻地附近見到寫住有間貓cafe親愛的就話要上去。地方幾大，原來要預訂不過好彩岩岩都有位比我地。佢地既貓本身係流浪貓，而家有個安樂窩，好可愛同幾嗲人。入門前要知規矩：除鞋，一定要著襪，消毒雙手，唔可以餵食，亦唔可以比貓偷食枱面d野及最低消費$88。叫左個挪威煙三文魚配卡邦尼天使麵（$98），呢個餐可配杯$38既野飲。煙三文魚係玩成品所以正常，份量有3塊；卡邦尼汁唔太杰岩岩好，唔會咸；天使麵軟硬感適中。入面仲撈埋煙肉，香口好多。抺茶鮮奶（跟餐）：抹茶味濃郁，表面既cream幾smooth,甜度適中。不知不覺玩下又食下過左1個鐘，同貓玩得唔夠喉想坐多陣，於是叫多個小食拼盤（$88）。都幾多野食，雞翼焗得幾入味，炸餃子同芝華力腸不過不失，最愛波浪型薯條，炸得剛好啖啖薯肉點上茄汁好滿足。可能環境以貓cafe嚟講算坐得舒服，所以唔經唔覺就嚟左2個鐘，仲未同晒d貓玩，下次再嚟先。
今日陪親愛的去旺角睇d野之後食晏，行到油麻地附近見到寫住有間貓cafe親愛的就話要上去。
地方幾大，原來要預訂不過好彩岩岩都有位比我地。佢地既貓本身係流浪貓，而家有個安樂窩，好可愛同幾嗲人。
入門前要知規矩：除鞋，一定要著襪，消毒雙手，唔可以餵食，亦唔可以比貓偷食枱面d野及最低消費$88。
叫左個挪威煙三文魚配卡邦尼天使麵（$98），呢個餐可配杯$38既野飲。煙三文魚係玩成品所以正常，份量有3塊；卡邦尼汁唔太杰岩岩好，唔會咸；天使麵軟硬感適中。入面仲撈埋煙肉，香口好多。
抺茶鮮奶（跟餐）：抹茶味濃郁，表面既cream幾smooth,甜度適中。
不知不覺玩下又食下過左1個鐘，同貓玩得唔夠喉想坐多陣，於是叫多個小食拼盤（$88）。都幾多野食，雞翼焗得幾入味，炸餃子同芝華力腸不過不失，最愛波浪型薯條，炸得剛好啖啖薯肉點上茄汁好滿足。
可能環境以貓cafe嚟講算坐得舒服，所以唔經唔覺就嚟左2個鐘，仲未同晒d貓玩，下次再嚟先。
Post
