貓啡

Open Now

Now Closed

小朋友好鍾意貓，不時都會去下啲貓貓Cafe玩吓。朋友介紹旺角呢間貓啡，話係非常之好，地方舒服又闊落，今日就帶女去玩。貓啡喺旺角黃金地段樓上店，空間算大，枱唔多，有充足嘅地方比客人同貓玩，有個非常大的地台上有餐枱，有2個千秋椅，感覺好Chill。非常欣賞貓啡有愛心有善心，餐廳大部份為收養流浪貓，亦會幫助流浪貓，支持客人係度領養代替購買，有意領養可直接向餐廳查詢。牆上就貼晒每隻貓貓的介紹，有相，年齡，性格，特徵等，非常用心。我哋坐低之後，阿女已即刻出去同貓玩，我點了2個餐。🌟Meow之套餐香煎日本刺身帶子黑松露扁意粉 + 小食 + 生椰拿鐵食物都做得用心，意粉好食，小食係薯角，生耶拿鐵不輸出面嘅coffee shop。🌟喵全日早餐豐富的全日早餐有煙三文魚，貓貓樣的麵包好得意。餐廳乾淨企理，冇限時，我哋同貓貓玩下食下嘢都玩咗2個鐘，值得推介。