阿里郎熱狗棒 (Closed)

今日去咗一間街頭小食店，專賣韓國嘅熱狗棒同埋其他小食✨發現原來呢間都開咗一段時間，不過之前經過旺角冇發現🤣🌭芝薯拉絲熱狗棒有薯仔粒粒喺面頭，見到店員即刻炸，熱辣辣咬落去即刻有長長嘅拉絲芝士。🧀鴛鴦芝士熱狗棒呢個入面冇腸仔，全部都係滿滿嘅芝士，如果淨係鍾意食芝士嘅人可以食呢個。🍚牛肉韓式飯卷有滿滿嘅材料喺入面，食一條都會好飽。🍔炸雞漢堡好大舊炸雞，本身朋友以為係mini size，點知原來都好大個，一個人食都飽。🍲辣炒年糕魚條呢個辣味就係韓國街頭小食嘅味道，不過我覺得年糕可以再煙靭啲。🍜韓式粉絲今次揀啲嘢全部都係澱粉質🙈粉絲加咗醬油同埋麻油提升味道，好食。