鮨心 (Moved) New Location

中午黎到旺角本身諗住幫女朋友去旺角中心買幾對襪，午餐時間非常肚餓就去醫肚，地鐵站一出就有間日本餐廳。樓下擺左午餐餐牌。價錢由$98起，都有貴少少既刺身飯。上到去都幾舒服。窗口擺左好多款日本酒。午餐餐牌，我最後都選擇左海鮮刺身飯。先來沙律、麵豉湯、前菜和日本茶碗蒸。沙律用上梅汁。入口酸酸甜甜非常開胃，沙律好多粟米和紅腰豆，絕對唔馬虎。麵豉湯有豆卜，入口咸香不會過咸，蒸蛋滑溜岩我心水。海鮮刺身飯就可以滿足我好多個心願啦，每款刺身都有一片，仲有蟹鉗，刺身鮮甜嫩口，新鮮唔會有腥味，鐘意帶子和牡丹蝦，爽口鮮甜，非常新鮮。