美滋鍋 (家樂坊)

Open Now

Now Closed

今次嚟到朋友介紹嘅旺角火鍋店，發現裝修好靚，食物咗好多款式！湯底揀咗鴛鴦，一邊係蛋白養顏美容鍋，一邊係清涼解熱雪耳鮮椰子鍋，真係好滋補，飲落去好似飲緊老火湯咁🤩 飲完之後皮膚都好似靚咗啲咁呀，雪耳鮮椰子鍋就女幾清甜，解暑一流！而PRIME牛下肩胛肉味濃郁，油脂分佈均匀，一淥落去就熟，肉質好嫩滑，完全唔會韌！海鮮方面，選擇都幾多，有海鮮青口、蠔🦪、魚片、竹籤蝦、鮮鯇魚骨腩、水魷魚等🤩 竹籤蝦好新鮮，一咬落去就爆汁，鮮鯇魚骨腩肉質好厚實，水魷魚就爽口彈牙😍蔬菜方面，就有油麥菜、甜粟米、雲耳等！全部都好新鮮咁，特別係油麥菜好爽口，感覺都即刻健康左🤣🤣🤣佢地既自家製響鈴真係必試，入口酥脆！ 一咬落去就聽到響聲，而且真係好香脆，好味道！🥳最吸引係新開設嘅火鍋配料、飲品、地道小食及甜品區！有齊唔同種類既飲品，沙律吧就更加豐富，有蔬菜、水果、醬汁等等，真係任你食！