am.pm (譽發廣場)

Open Now

Now Closed

今日特登過嚟旺角食梳乎厘pancake，發現原來ampm做緊夏日感謝祭，梳乎厘Pancake第二份半價，加牛角包窩夫仲有75折，cp值超高！特選D24榴槤梳乎厘 $55我一直都鍾意食榴槤，所以就叫咗個榴槤味梳乎厘pancake。Pancake蛋味濃，充滿空氣感，好軟熟同fluffy，連埋榴槤cream一齊食都唔會好膩。D24榴槤味道好濃郁，加上啲甜甜地嘅cream，每一啖都好滿足，配搭非常好！黑糖厚鮮奶牛角包窩夫 $38牛角包窩夫好抵食，$38咁大塊又多醬！黑糖厚鮮奶甜甜地、好creamy，帶點牛奶味。面頭除咗有黑糖醬，珍珠都有好濃郁嘅黑糖味。牛角包窩夫熱辣辣，外脆內軟，味道非常好。靜岡抹茶3.6奶昔 $48奶昔夠曬凍同creamy，抹茶味濃郁，並帶有香氣，入口溫醇，帶點回甘。飲品溶咗都唔會變淡，夏天飲好正。